SOLNEDGANG TORSDAG KL 17.10

So vakkert kan det vere når sola går ned på ettervinteren. No klyv sola over Tårnet om ettermiddagen, så vi har sol heile dagen til ho går ned i havet om kvelden. HERLEG.
I dag har eg som vanleg skjekka om det er nye sprirer som tittar fram, og då såg eg ei kjempe som hadde brote seg fram gjennom natta: Ipomea alba, månevindel, det er eit gigantisk frøblad som no held på å folde seg ut. Eg har lese litt om planta og klarar eg å få den fram, det ligg nokre fleire frø og ventar, håpar dei kjem og, så har vi noke å sjå fram til i fine sommarneter.
I dag er det vind frå nordaust, klår morgon, men no skyar det til frå sydvest. 2,5 grader.

FRØ AV KLEMATIS

I dag har eg renska frø av klematis som skal brukast som bytefrø i Frøpakke 2 som forhåpentlegvis kjem på rundtur snart. Haugen til høgre er frøa sine vengjer som eg vil tru dei brukar når dei vil flytte langt vekk frå mora. Det til venstre er frø med litt restvenger. I tillegg til nokre sortar klematis så har eg laga til ein pose med frø av Blodbeger. Eg håpar at dei som får av dei får like godt spireresultat som eg har fått. Det er vel i seinaste laget å så blodbeger no, men det er mindre enn 11 mndr til neste såing av blodbeger.
Har nett vore ein tur i planteromet og vatna ørlite. Når spirene er så ørsmå, nyprikla og lita rot til å ta opp vatn, så er det viktig at dei får akkurat nok vatn. Det skal ikkje mykje til før det vert formykje eller forlite, begge deler med like dårleg resultat.
Eg tykkjer det er så fantastisk med den flotte grønfargen på spirene, sjølv om eg har planter i glaskarmen som er grøne, så er det noke heilt spesielt med grøne spirer. Der ligg det mykje håp.
I dag har det vore frå klårt til lettskya, bris frå aust og omlag 0 grader, i natt var det -8.

FELICIA HETEROPHYLLA

Zuluaster som den vert kalla i Sverige.
Dette vart ein av favorittane mine som krukkeplante i fjor og i dag har eg sådde nye frø.
Ein nydeleg blå farge, med sølvperler i midten. Den kom tidleg i blomst og gledde meg langt utover sommaren. Dersom eg hadde klypt ho ned når blomstringa dabba av så hadde den truleg vart lenger.
No er det stor aktivitet på planterommet, såing, spiring og prikling nesten kvar dag.
I går fekk eg ei ny hylle med plantelys over, så no har eg 3x1,50m.
Ortaket om at "Mykje vil ha meir" vert meir og meir sant for meg.
I dag er det sludd, lett bris og 1,5 grader. Yr-varselet seier at frå imorgon vert det minusgrader og opplett i 10 dagar framover. Då vert det lysare i veiret og så kjem Per varmestein og plutseleg er det vår. Eg kan ikkje sjå at det er noko som livnar til i beda mine, med unnatak av at eg ser pionspirer såvidt.

Dette er dagens frøsådd:

Mimosa		Sanseplante?		Mari
Alonsoa meridionalis	Rebel	Vippeblomst	Ettåring	Impecta
Cerinthe major purpurascens	Pride of Gibraltar	Stor voksblomst	Ettåring	Impecta
Clitoria ternatea		Duevinge	Ettåring	Mari
Felicia heterophylla	The Blues	Zuluasters	Ettåring	Impecta
Nicotiana alanta	Grandiflora	Vengetobakk	Ettåring	Impecta
Asparagus plumosus		Slørasparges	Potteplante	Impecta
Impatiens walleriana	Super Elfin Blush Improved	Flittige Lise	Potteplante	Impecta

FRØSÅING 7. OG 8. FEBRUAR

Pussige frø, gjev pussig plante.  Dette er frø som eg fekk av Mari på Hagegal. Som det går fram av lappen så er planta lite prøvd i Noreg, men eg har ikkje lese noke om at dei forsøka som har vore, har vore mislykka.
Eg held på å lage plantelappar til alle frøslaga som vonleg vert planter om litt. Ideen til lappane har eg fått på Hagegal, og no skriv eg ut lappar med bilete og litt informasjon om planta.  Då er det mykje enklare å vite litt meir om planta enn berre eit namn som kanskje berre er latinsk.
Etter at eg har klypt lappane til så laminerer eg dei og klypper dei til att så det vert fine plantetikettar.  Håpar berre ikkje at skjora tykkjer det same når dei kjem ut til våren.
I tillegg til sålista under så har eg lagt nokre frø i vatn og noken til stratifisering i kjøleskåpet.
I dag har det vore snø og sludd, 1-2 grader, men no er det litt lysare i veiret og det melder om kjøligare veir.
 

Crocosmia	Lucifer		Værhane	Staude	Mari
Heliotropium arbrencens	Marine'		Luktheliotrop	Ettåring	Impecta
Ipomoea alba			Månevindel	Ettåring	Mari
Cephalaria giganthea			Gullknapp	Staude
Cistus	Kvit småblada		Solrose	Staude	Mari
Darmara peltata				Staude	Mari
Echinops sp			Kuletistel	Staude	Mari
Verbascum phoeniceum	Violetta		Purur kongslys	Staude	Frøtorvet
Aristolochia baetica					Mari
Cistus ladanifer			Steinrose	Busk	Mari
Commelina dianthifolia			Himmelsblomma	Ettåring	Mari
Salvia viridis			Dusksalvie	Ettåring	Mari
Artiskokk			Artiskokk	Grønsak	Mari
Daglilje			Daglilje	staude	Mari
Paulownia tomentosa			Kjeisertre	Tre	Frøtorvet

SÅLISTE OG SPIRING

Dette er sålista 3. februar og i dag spirer Erysimum cheiri, gyllenlakk og Verbena speciosa, hengeverbena. Noken fleire var åt å krype over jordskorpa, dei kjem eg attende til i morgon.  I dag er det regnbyer, vindstille og 3 grader.

Asclepias physocarpus	Hedgehogs		Ettåring	Mari
Aubrieta cultorum	Leichtlinii	Hagepute	Staude	Impecta
Aubrieta cultorum	Whitewell Gem	Hagepute	Staude	Impecta
Convolvulus tricolor	Blue Ensign	Trikolorvindel	Ettåring	Mari
Convolvulus tricolor	Royal Ensign	Trikolorvindel	Ettåring	Mari
Dendranthema x grandiflorum	Fanfare Mixed	Krysantemum	Staude	Mari
Eccremocarpus scaber		Fakkelranke	Ettåring	Mari
Erysimum cheiri	Tudor rose	Gyllenlakk	staude	Mari
Fragaria vesca	Alexandria	Markjordbær	Bær	Camilla
Fuchsia x hybrida	Ballerina Mix	Fuksia	Potteplante	Mari
Gazania		Gazania	Ettåring	Mari
Gladiolus italicus			staude	Mari
Lobelia erinus pendula	Cascade White	Hengelobelia	Ettåring	Mari
Rosmarinus officinalis		Rosmarin	Urt	Camilla
Scabiosa caucasica	Pincushion Mixed	Kaukasusskabiosa	Staude	Mari
Senecio cineraria	Silver dust	Sølvkrans	Ettåring	Frøtorvet
Solenostemon scutellarioides	Warpaint	Spragle	Ettåring	Mari
Stevia rebaudiana		Sukkerplante	Fleirår	Frøtorvet
Thalictrum rochebrunianum	Lavender mist	Frøstjerne	Staude	Mari
Valerian	St. George	Vendelrot	Staude	Mari
Verbascum thapsus		Filtkongslys	Toårig	Mari
Verbena x hybrida	Misty	Verbena	Ettåring	Mari

STOOOR FRØPAKKE

I går fekk eg frøpakke hjå Mari, det var med skjelvande fingrar eg opna og byrja å lese på posane kva som var inni. Ei svært god blanding av sommarblomar, stauder, grønsaker og urter. Det var nesten ingen sortar som eg hadde frå før.
No skal eg bruke helga til å finne ut meir om såtider og såmetodar for dei ulike staudefrøa, og såtider for sommarblomar og grønsaker.
For meg er det å sitje å finne opplysingar om plantene, korleis dei skal behandlast frå frø til ferdig blomst nesten like spennande som å så dei ferdige som planter. Den store Werdsveven er ei fantastisk oppfinning, der er det mykje å hente, ikkje minst frå alle norske og skandinaviske hagegale.
Skravleforum for hagegale er ei oppkomme av gode råd og kunnskap. Eg må innom fleire gonger for dag, for å sjå kva som er oppe av tema. Ellers så les eg hagebloggar.
Nett no har eg Hageselskapet si sortsliste liggande attmed meg, den skal eg bruke når eg har fått skrive ut lista over frø frå Marit. Det er ei nyttig bok.

Ellers så fekk eg biblioteket til å fjernlåne Trædgårdsvisioner av Hannu Sarenstrøm. Har ikkje fått tid til å lese i ho enno, men der er fantistiske bilete.
I dag er det lettskya, vindstille og 0 grader.

VERBASCUM PHOENICEUM - KONGSLYS

Verbacum phoeniceum - kongslys, eg tykkjer det er sus os svung over både det latinske og det norske namnet. Planta var heilt ukjend for meg før eg kjøpte frø frå Impecta i fjor og sådde. Eg trur det var omtrent 100% spiring, eg prikla og prikla og til slutt fann eg ut at eg måtte berre kompostere ein god del småspirer. Så planta eg ut små fine kongslysplanter rundt omkring i hagen og rekna med å vente til 2011 før eg fekk sjå planta i blomst.
Men så ein av alle dei våte haustdagane så stod ei i blomst og eg var seld. Som biletet syner så er det verkeleg ei flott plante, så no har eg kjøpt inn fleire sortar frø som er sådde og skal såast. No spirer første potta, Verbascum phoeniceum mix.
Iberis sempervirens og fleire slag lobelia spirer og.
I dag har det regna heile dagen og gradene er 4.