Snart midtvegs i hausten

Det har bokstaveleg tala runne mykje vatn sidan siste blogginnlegget mitt. Litt har skjedd i hagen på Amfjell sidan sist. Det som er viktigast for bloggen sin del er å oppdatere kva som er gjort av haustarbeid.

For 10 dagar sidan så tok eg opp georginene mine. Det hadde ikkje vore frost på dei, men eg er avhengig av å arbeide når forma er der, og då passa det best. Det hadde vore opplett nokre dagar så jorda var tørr og fin. Så då tok eg opp alle georginene som var sette frå knoll og villgeorginene som eg sådde i vår. No ligg dei til tørk i veksthuset, der er det luftig og fint når eg har sidegardina oppe. Dei som viser på biletet her på venstre side er alle av villgeorginene, og no tek eg inn frøkapslar og tek frø etterkvart som dei modnar.

Så er det noken av lesarane her som har lyst på ein pose med frø så må de gjerne seie frå. Eg deler gjerne ut som takk for alle hyggelege kommentgarar som de har lagt att sidan eg byrja å blogge.

I går og i dag har det vore flott temperatur og eg har teke inn alle fuksiaplanene mine. No står dei i drivhuset til avmodning, før eg set dei vekk for vinteren.

Pottene er vaska og klar for ein ny sesong.

Det er tre veker sidan eg tømde drivhuset, tømde kassane som det hadde vokse tomatar i og fekk vaska både hus og kassar. 

Tomatåret er det beste eg har hatt, men eg kunne nok håpa det hadde vore endå betre. Eg har fått ein del glas med gode Henkogte tomatar. I fjor laga eg marmelade av resten av dei grøne tomatane, det var ganske godt, men vart ikkje brukt så mykje av, så i år tok eg eit kilo små grøne tomatar som eg har eddiksylta. Skal verte spennande å prøve det i romjula.

1. SUNDAG I JULI

Midt i pionblomstringa, denne pionen er snart ferdig med showet sitt, som vanleg fekk han ein god del regn, men både humlene og eg har fått nyte han. 

Rose nr 2 som er i blomst.

 Astrantia major over og under. Retting: det Knautia macdonica som er under.

Denne kjem på 3. plass

 Lilium martagon som eg har fått fram frå frø, truleg ein sort som eg sådde i 2010.

Eg er altfor sein på avtrekkaren til å fotografere humler.

Tomatane veks.

No er det ein månad sidan eg har prikla småplanter, dei større plantene har fått meir merksemd, men no stod Murtorskemunnen og blomstra i såpotta, så då var det på høg tid. I kassane er det Allium, Liljer, Meconopsis, Leyceteria og murtorskemunn m.a.

Dette er ei arvelilje, som eg tykkjer er veldig lik martagonlilja, men eg ho luktar heilt bedøvande godt, tykkjer eg.

Er det noken som kan seie noke om denne så er eg takksam, for eg har massevis av knollar for salg, men då burde lilja ha eit namn.

Ha ein god sundag alle!

FØRSTE VEKA I JULI

 Denne står på trappa på terrasen og eg har planta kvit Bacopa, vanleg flittige Lise og ein sort som heiter Impatiens Topknot, blomane er fylte og ser nesten ut som ei rose.

Fotografen har nok vore skjelven på handa, men det var vel fordi eg oppdaga den første utsprungne rosa.

Stadig utsikt frå gangdøra, her dokumenterar eg samstundes at stillaset er oppe og verandarekkverket skal målast.

Med så store blomar så må det verte store tomatar.

Desse er på god veg.

Eg såg einn videosnutt på Youtube om ein bestefar som hadde sukkerertene i ein kasse i drivhuset, og då tenkte eg at då kunne likegodt bestemora gjere det same. No held blomane på å springe ut, så då vert det ferske sukkererter til barnebarna kjem på besøk.

Her prøver eg meg på ampeldyrking av agurk. EG hadde ikkje sådd agurk i år så denne kjøpte eg på eit hagesenter.

I dag regnar det, temperaturen er 13 C, så då høver det med å bake rundstykker. 

Så skal eg ha meg ei runde innom bloggane som eg føl med på og sjå kva som rører seg i hagane rundt om. Ha ein god dag alle, og takk for alle hyggeleg kommentarar.

FØRSTE SUNDAG I JUNI

No er det like før....

Denne har blomstra ei god stund no.

Tellima grandiflora som står i knopp

Dodecatheon pulchellum, gudeblom, som eg sådde 13. nov. 2010. Dei spirte nesten hundre prosent, men har hatt stort fråfall. Eg sådde tre artar, det er naturleg nok vorte eind el surr i merkelappane etter kvart, men det er ikkje allverdens viktig om det er sp eller mix, sålenge eg ikkje skal selje frø. Eg kjøpte frøa av Akoen. I år skal eg for første gong få sjå dei i blomst, det er nok like før no. Reknar med at det kjem bilete ein gong i veka.

Så går turen inn i drivhuset, no er tomatplantene i god vekst, og nokre er i blomst, Black russian, over og Gardeners Delight, under. Eg har hatt det så travelt med å vatne alle pottene som står med planter i at eg har ikkje rokke å binde opp tomatane, men reknar med at det må verte ein ordning i løpet av veka. 

Ettersom eg nyt den store luksusen å ha eit hus til som eg kallar veksthus så har eg planta tomatar der og. I drivhuset har eg planta i murarbaljar, for der har eg støypt golv, men i veksthuset har eg jordgolv med trefjøler i midten, så har eg planta rett i jorda. Her er det Marmande VR som blomstrar.

Eg har ikkje sådd agurk i år, dette er melon. Honey Dew og Minnesota Midget. Eg har 4 planter som eg har planta rett i jorda i veksthuset. Ettersom eg har lese meg til så treng dei hjelp til befruktning, så eg får prøve å gjere ein innsats.

Fruktblomstring

Ipomeablomsten er open berre ein kort dag, men så er han så vakker at då må han nytast. 

No har vi hatt ei kjøleg og våt helg, etter ei varm veke. Men no ser eg at himmelen er blå i vest, og meldingane for kommande veke ser gode ut. Eg gler meg til ei ny veke i hage og drivhus. Takk til alle for hyggelege kommentarar som de legg att - god veke til dokke alle!

VÅREN HAR FÅTT HETESLAG

For ei veke var det klagesang om at eg måtte bruke fleece og fiberduk mot kulde, no har vi hatt nokre dagar med 25 grader, og alt rundt oss eksploderar i vekst. Eg har mitt fulle hyre med å vatne alle småpottene. Nokre nyprikla stauder trur eg at eg har forsømt med vatn slik at dei har tørka inn. 

Den tidlege blå Alpeklematisen er klar for blomstring.

 Gamle raude tulipanar.

 Utsikt frå gangdøra i kveld 19. mai, det vert lubnare i beda for kvar dag, og bjørka har snart fått fullvaksne blad.

 Nyklipt lavendel har sett pris på varmen.

 Sanguisorba officinalis, blodtopp.

 Pulsatilla vulgaris

 Mertensis pterocarpa, Steinsøsterurt. Denne sådde eg av Magnarfrø i okt. 2011, eg vonar at det vert blomar på denne i år. Eg har ho fleire stader i  hagen.

 Duppesoleie som snart er i full blomst. Denne får ikkje anledning til å verte stor, for det er stadig ein eller annan kunde som fell for denne og får med ein liten rotbit på kjøpet. Ho kan som tidlegare sagt ikkje formeirast med frø og ettersom det er ei kulturarvplante så er det om å gjere å få ho spreidd.

Cephalaria gigantea, gullknapp, sådd i oktober 2011 av Akoenfrø, eg fekk berre ei plante og i år ser ho ut til at ho skal gjere ære på namnet. Ho er svært kraftig, eg vonar at ho blomstrar i år, i så fall vert det første gong eg ser blomane hennar.

 Ein pion som er i krafti vekst.

 Tomatane har kome på plass i kassane sine. Eg har ikkje fått sett dei nedi før i dag, for jordtemperaturen var for låg. 12 kassar har eg med 2 planter i kvar. 

 Drueplanta kjøpte eg for 3 år sidan og ho står no på tredje plassen. Det ser ut til at ho har tålt flyttinga inn i veksthuset, for no veks knuppane.

 Eg er ikkje heilt sikker på kva slags frø denne kjem frå, men ei blålilla Pulsatilla er det iallefall. Denne står slik at ho får sol mesteparten av dagen så ho snur seg nok ein 300 grader får soloppgang til ho no nyt siste solstrålane.

Rhodiola rosea, rosenrot, på Rolv kan du lese meir om denne planta og bruk i folkemedisinen. Her veks ho rundt i fjellhamrane ned mot sjøen, og på denne tid pyntar ho godt opp.

No har vi feira 17. mai og pinse med litt familie på besøk, det har vore flotte dagar og eg ynskjer alle som kjem innom bloggen god sundagskveld, framleis god pinse og ei god veke.

VÅRTEIKN I OG UTANFOR DRIVHUS OG VEKSTHUS

Her kjem eit ras av bilete, mesteparten er frå planteproduksjonen min, det er i hovudsak den som fyller tida mi no. Takk og pris for gode fleece-klær. I kvilepausane så er eg stadig inne å sjekkar Yr og Storm, dei lovar betre temperaturar fram til neste helg. Så då set eg min lit til fleece til meg og fiberduk til plantene.

Denne kassen har eg vist før, frå eg den 8. april delte ein georgineknoll  , Dahlia, og no poppar det opp med spirer. Slike knollar treng litt tid til å komme i gang, men no kan eg potte dei opp i større potter, om eg vil, eller passe på å vatne med gjødselvatn og gje dei lys og vern mot frost, så vil det vere flotte planter å plante ut om 3 - 4 veker. 

Matthiola, levkøy, med Ageratum, blåkorg i bakgrunnen. Dette er sommarblomar som eg har sådd for første gong i år. 

Blodbeger har eg sådd kvart år, og i år har eg endeleg rikeleg med planter. 

Phlox drummondi, fargerik og fin sommarfloks.

Middagsblomar har eg sådd kvart år, i år breisådde og prikla eg. Det vert nok første og siste gongen. Vel er eg utstyrt med stort tolmod når det kjem til prikling, men desse var ikkje gode å ha med å gjere. Men no er dei i god vekst, ingen av dei tørka opp i jordskorpa, så eg fekk det til.

Ein låg og kompakt sort tomat som heiter Vilma, den kan stå inne og ute i potte og vert ikkje høgre enn 30 cm.

Dette er dei store tomatane, som eg har bestilling på.

Lobelia, tagetes, puslingkrage og nokre stauder. Desse har eg flytta ut, og no i kveld har eg dekka dei med fiberduk.

Slik ser det ut i veksthuset no, pottevis med georgineknollar som står og godgjer seg til sommaren. 

Så har eg planta opp ein del amplar, denne har fått lobelia i fargeblandin og blodbeger. Har fleire tingingar på desse.

Cosmosen står attemed drueplanta. 

Endå ei knollgeorgine, det vert ei stor kraftig plante av denne vesle potta.

Aquilegia, akeleie, i mange variantar klar for sal og bed.

Eg og mange av kundane mine har fått smaken på månadsjordbær, Fragaria vesca. I år har eg sådd heile tre sortar, dette er Mignonette som skal passe god i ampel.

Skrytebilete av sjølvsådd pion, i dag prikla eg to små planter frå frø eg sådde i august 2011. Det er tolmodsarbeide dette, men akk så godt å halde på med.

Utsikt frå gangdøra i dag, det vert litt lubnare i beda, bøane har fått litt grønfarge og trampolina er montert.

God søndag!