torsdag 29. august 2013

SISTE VEKA I AUGUST

Her kjem ei samling av litt av det som no er fint i hagen min. Eg har masse stauder i potter som skulle vore planta ut no, men forma er ikkje den beste, så det får vente. Men ei runde med fotografering er jo kjekt.




No er solsikkene på veg mot himmelen og eg treng stige for å fotografere dei, men eg har utsikt til dei frå stoveglaset og der ser dei flotte ut.

Det må nok verte meir oppstamma roser i hagen min, dersom eg skal få plass til alle staudene eg har lyst til å prøve.

Like før desse, duehode, er i full blomst.

Det er ikkje alltid at pottene med sommarblomar er fine på denne tid, men desse to pottene her kjem til å vere fine langt inn i hausten.

Noken humler er så berusa av nektar at dei berre klamrar seg fast og heng der.

 Kubjøllene brukar alltid å kome med ein par blomar i august.
 I fjor kom eg over Susanne med det sorte øyet på ein blogg, og då likte eg henne så godt at ho kom på sålista i år. Eg hadde gule og African Sunset, eg planta alle i støtta som eg laga til solsikkene, dei har ikkje vorte så høge, men fine er dei.
Endå varer sesongen for månadsjordbæra lenge, ein god munnfull kvar dag.

Her skal det liksom vere eit rosebed, men det er det ingen som ser. Kongslysa har teke heilt overhand, desse er attpåtil ei staude som kan verte endå større neste år. Nei her må eg nok fram med spaden så rosene kan få vise seg fram att. 
Under kjem fleire fargar av sommarflox.





Clematis Rouge Cardinal, denne har eg planta ilag med New Dawn og eg har håp om at dei skal klatre i ein apal. No har eg ei potte med forskjellige sommarblomar attmed, og eg kan sjå på biletet at ein knopp av blodbeger har plassert seg på eine klematisblomsten.
I dag har eg mi første runde med tomatar kokt i olje på gang i steikeovnen, det er ei herleg lukt som fyller huset. 
Ha ein god torsdag - og takk for alle hyggelege kommentarar som de legg att på bloggen min.

5 kommentarer:

  1. Så fint det blomstrer hos dæ ennu vi er kommet til slutten av august nu, Daliaene mine blomstrer fint ennu og duehodene mine er begynt og komme i blomst nu.
    Sommer og høstfloksen blomstrer også fint, men nu er det mye blomstrer som er stygge som æ tar bort og klipper ned .

    Ha en fin kveld.

    Lisbeth :O)

    SvarSlett
  2. Så mye fint Else, Susannes øye er så fin men jeg glemte å så den i våres.
    Det er helt utrolig blomstring i hagen din, ja vi har flere uker med hagekos igjen.

    Ha en fin kveld.

    SvarSlett
  3. For en vakker og fargerik blomstring du har i slutten av august. Med dette været kan det fortsette lenge. Så artig at kubjellen din blomstrer nå. Det har jeg aldri opplevd. Håper formen din kommer seg. Ha en flott kveld.

    SvarSlett
  4. Så mye flott som blomstrer i hagen din.

    Håper formen blir fort bedre og god helg!!

    SvarSlett
  5. Beautiful plants, great colors :) Regards

    SvarSlett