tirsdag 28. juni 2011

VÅTT

Siste døgnet har det visst vore sett ein nedbørsrekord, og det trur eg så gjerne. Det har vore litt opphold mellom byene og då nytta eg høvet til å ta nokre bilete. Det er lova like myje nedbør komande døgn så då tenkjer eg at gjødselen eg hadde ut søndag har løyst seg opp.  Ha ein fin sommarkveld. No skal eg sjå Grønn Glede.


mandag 27. juni 2011

Årets tredje og siste gjødsling av rosene.

Dette var motivet frå gangdøra i går. Det livnar til, eg har klipt ned visna lauv frå vårløkane, og fyllt på med sommarblomar og sjølvsådde stauder. Kvar vår så gler eg meg stort over alle vårløkane og det store fargekicket dei gjev. Så kjem forfallet si tid og eg tenkjer at dette vil eg ikkje sjå på fleire år, og bestemmer meg for å grave dei opp. I år har eg gjort ein mellomting, eg har teke opp tulipanar og lagt dei til tørking og så har eg lete dei andre visne ned.
Dei vårblomstrande staudene har eg og klipt ned og dermed vart det plass til mykje nytt. Det er meldt mykje regn i desse dagane, så igår hadde eg meg ei runde med hønsegjødsel i alle bed. Rosene fekk for siste gong i år, men sommarblomane kan vel kanskje trenge ein omgang seinare og.
I går fekk eg telefon frå ei dame frå det lokale hagelaget om at dei vil prøve å blåse litt liv att i laget. Ho ville gjerne ha meg med, og inviterte meg til å kome på møte i neste veke. Då måtte eg ta med i bilen alt eg hadde plass til av sommarblomar og stauder for salg. Eg vart både glad og rørt over eit slikt tilbod og stiller med glede opp. Det kan verte ein vinn vinn situasjon for alle partar dersom eg finn noken som er interessert i å kjøpe av overskotet av staudeproduksjonen min. Hagelagsmedlemane kan få kjøpe både vanlege og meir uvanlege stauder og eg får kundar. Men det å få treffe andre likesinna og prate planter med noken som verkeleg er interesserte er det viktigaste av alt. Eg gler meg!!

Tomatplantene er oppbundne

 Omsider har eg fått ut alle uteplantene frå drivhuset og eg har fått litt plass til å snu meg rundt. Så laurdagen vart brukt til å binde opp tomatplantene. Dette er andre året med tomatplanter i drivhuset og plantene ser mykje betre ut i år enn i fjor. Dei har kraftigare stamme og det kjem mykje meir blomar.  Mesteparten er av dei same frøa som eg brukte i fjor frå Camilla Plum, men eg las ein stad at det var i spireprosessen at anlegga for blomar var skapte. Så i år var eg nøyen på spiretemperaturen. Når plantene kom opp fekk eg og fjerna alle tjuvane.
Her er to tomatilloplanter og den eine har blomstra. Eg har to agurkplanter og, dei fekk det for kaldt ein periode, og då sturte dei veldig lenge, men no er dei endeleg kome i blomst. Physalisplantene er kome i store potter og, men her er det ikkje blomstring enno. Eg må vel vente til neste år før eg får frukter på dei. Har planer om å overvintre iallefall den eine planta.

torsdag 23. juni 2011

Brullaupsfest

 Eg hadde fått i oppgåve å få fram blomar til dotra og svigersonen vår sin brullaupsfest som var i helga. Eg hadde og planter om å ta bilete av produkta, men det vart no så som så med fotograferinga. Men litt fekk eg fotografert. Det var eit stort område som skulle pyntast så vi måtte konsentrere oss om nokre få plassar. På baksida av huset vart det sett opp eit partytelt ettersom veirmeldingane lova både sol og regn. Dei heldt lovnaden, men det letta opp ut på kvelden og vart tetteleg fint. I teltet stod det nokre få bord med stolar rundt og det var pynta med Flittige Lise og Pelargonia. I tillegg var det
 mange lyslykter som stod på borda, hang i taket og plasserte på bakken.
 I matsalen der middagen vart servert var det ei veninne som stod for pynten og ho hadde valgt pynt i grønt og kvitt. Ho hadde fått fram ei høgtideleg, enkel og svart vakker stemning.
 I taket, som det viser litt på biletet, hadde ho hengt opp ei mengd vimplar i mange ulike fargemønster i grønt og kvitt. Ho hadde og klipt ut motiv frå det same papiret som ha hadde limt på kubbelys, og ho hadde laga potteskjularar av det same papiret. Eg hadde neppe våga å gjere det så enkelt, men ho fekk til fulle dokumentert at det enkle, men eg trur det var særdeles arbeidskrevjande, var det rette for dette romet.
Ein etasje opp av det Arabia og austen som var tema. Her var det flotte teppe på golvet, utlånt av ei anna veninne, massevis av puter, og farga telysglas. Her vart det servert kaffi og kaker.


                         Dette er pynt på kakebordet, flytelys og peonar i glasskål.


Midt på biletet er ei Amerikansk ostekake med rabarbragele av råsaft på toppen. Den smakte himmelsk som dei andre kakene gjorde og. 

I tillegg til desse blomane hadde eg Heuchera i grønt og raudt. Så hadde bruda kjøpt fiolar, georginer, eføy og litt meir. Så fint vart det. Eg tykte det var litt trasigt at eg ikkje fekk fram dei kvite løvemunnane, kvite cosmosane  dei to kvite skjermplantene, men så vart det og det la slett ingen dempar på festen. Ein fantastisk fest frå ende til annen der alt klaffa.

torsdag 9. juni 2011

Frøken Glede

Hei eg rakk å kome i blomst slik at eigaren min kunne få delta i Moseplassen sin Frøkenkonkurranse. 
Eg har skjøna at det var noke viktig på gang for eg har hatt besøk opp til fleire fonger for dag, ho har lagt seg ned å kika på knoppane mine og var nok spent på kva eg kunne by på. I går letta eg litt på kronblada og i dag folda eg ut fleire kronblad. Då tok det heilt av, i dag har eg vorte vist fram til vener og slektningar og rost opp i skyene. Til og med fotografert har eg vorte frå fleire vinklar, og no forstår eg at eg skal kringkastast på den store verdsveven. Tenk å kunne vere til så stor glede, det står fleire av søskena mine rundt i hagen, men det er alltid noke spesielt med den førstefødte.

tirsdag 7. juni 2011

Inspirert av Hagegal-tråd om mangel på grøne fingrar

 I går starta Alba ein tråd på Hagegal om kva det kunne vere ho gjorde som var feil ettersom det var så mykje som skranta i hagen hennar. Det visste seg fort at ho var ikkje åleine om å ha ting som ikkje går like bra, men det er sjeldan tema på hverken blogg eller andre stader. Så idag tenkte eg at eg skulle sjå litt på kva som ikkje ser så bra ut for tida. På biletet over står det ei potte med Zuluasters og restane av den eine av to Ipomea alba. Det er liv i rota enno, men eg trur løpet er kjørt for denne. Eg var nok for tidleg ute med utplanting.
 Dette er kvite ranunklar som skulle vere flotte brullaupsblomar. Dei har hatt lus og vart plasserte ut, men det hadde nok ikkje vorte noke blomar uansett.
 Der er utsikt frå gangdøra i dag tidleg. Det første som møter meg er synet av tulipanar som er i den fasen som skal syte for god blomstring til neste år. Det står og to roser der, men det er ikkje noke tak i dei, eg får plante noke som tek oppmerksomheita frå rosene dersom dei ikkje sler til, det er jo endå håp dersom det no vert varmare. Dette er roser som har gleda oss i sikkert 30 år, så det kan hende at dei no meiner dei har gjort sitt. Synd om dei takkar av for dei har vore friske og sunne og blomsterrike. Veit ikkje namnet.
 Eg må ta att alle hengeamplane mine. I denne har det vore 3 blodbeger, dei er ikkje døde, men vinden har fliska dei grundig, men så var det vel ein sterk kuling i kasta og då kan eg vel ikkje vente meir. Så no skal eg fylle på med noke til blodbegera har fått vokse seg til att.
 Dette er kvite løvemunn og restane av den andre Ipomea alba. Søren og - eg hadde verkeleg gleda meg til at dei skull glede oss med fine blomar og god lukt om kvelden og natta.
 Her er kvit bacopa og restane av vanleg Ipomea, eg har fleire i drivhuset så eg får prøve å plante til att.
Endå eit namnlaust rosetre - klatrerose denne gongen, raude roser som remonterar heile sommaren. Eg fekk treet som takk for at eg hadde gjort ein stor dugnadsjobb eg hadde vore med på i 1995. Det hadde fått ein stor knekk i fjor vinter og i år er det endå meir svekka. Eg har gjødsla og stelt det godt, så då får eg sjå om det kviknar til att.
Som om ikkje dette var nok så har eg idag fått vite at ein av landskjend veirspåmann seier at vi går ein ny kald vinter i møte. Eg hadde besøk av ei hageinteressert dame i kveld som kjøpte stauder av meg og vi var skjønt einige om at vi skulle ikkje late oss knekke, vi kjem vel til å auke innsatsen. Det er jo så enormt mange slekter, artar og sortar så det er alltid noke som vil trivast i min hage og.