fredag 2. mars 2012

SIKKERT VÅRTEIKN

Rabarbra er synonymt med vår., iallefall for meg. Eg brukar å lage rå rabarbrasaft og grunnlovsdessert av denne delikatessa, men det er ei grønsak som kan brukast til det meste og oppskriftene er mange. Eg har liksom ikkje hatt tilgang på så mykje rabarbra tidlegare, men no skal det verte ein annan dans. I fjor sådde eg Glaskins Perpetual og i år har eg sådd Victoria og så tenkjer eg at eg kan utvide med ein sort kvart år framover. Rabarbraen som eg sådde ifjor bør få vekse eitt år til for å utvikle seg før eg byrjar å hauste av han. Men eg skal heilt sikkert ha ein smaksprøve. Eg har ein sort som eg har arva og den har eg no flytta til ein god plass til å v ekse og utvikle seg på, godt med gjødsel skal dei få og. 
I dag har det vore sol, og det er så stort nyhende at det fekk plass i nyheitene og. Dagen har vore nytta ute, eg har sett etter vårteikn og hatt fotoapparatet med, og då var denne rabarbraen eit av motiva. 
Drivhuset vart opna og idag, eg har vaska med litt grønsåpe  for å få inn god lukt og pynta litt opp. Eg vaska grundig heile huset i haust, i tillegg til alt utstyret slik at eg fekk teke knekken på det meste av sopp, mugg og insekt som kunne gjort våren sur. Så no er det berre å vente til temperaturen og lyset vert litt betre så skal dei nyprikla staudepottene inn. Meldingane for morgondagen ser bra ut og, så då skal eg   ta overfladisk rydding i staudebeda slik at dei ser litt betre ut. Det er jo berre 2. mars i dag og det kan enno verte vinterveir mange gongar, så litt vern kan nok staudene ha trong for enno. 
Det er ein heilt spesiell stemning ute no når lyset kjem att, fuglane har forandra lyden og litt insekt er byrja og vakne til liv. Det er stor skilnad på temperaturen frå sol til skugge og natt frå natt til dag. Det er skarpt veir som vi seier. Men det var så fint og vindstille i dag ettermiddag at eg stod ute og vaska potter, så no luktar dei og grønsåpe. Det er berre inne det ikkje luktar grønsåpe til helga, men det er sanneleg viktigare ting å bruke tida og kreftene på når det er vakre vårdagar. 
GOD HELG TIL ALLE SOM SER INNOM BLOGGEN!


6 kommentarer:

  1. Og rabarbrasuppe og sylte nam nam :)
    Hatt en nydelig dag her og,barna i bhg mente at de kunne gå i t-skjorte og bukse ;)
    I helga er det meldt finvær så da blir det hagehelg :)
    Ha ei fin helg.

    SvarSlett
  2. De røde rabarbraskuddene er så flott innslag om våren! Har ikke selv, men hilser de i botanisk hage velkommen hver vår :D Kanskje jeg bør ha rabarbra i feriehagen...

    SvarSlett
  3. Hei på deg Else T,,,
    Stikk innom bloggen min for en liten Engletrompet venter på deg der.

    Klem fra Marit.

    SvarSlett
    Svar
    1. Hei Marit, eg var der før du hadde sendt dette blogginnlegget. Eg er so fornøgd! Klem til deg frå meg.

      Slett
  4. Oi så mange forskjellige rabarbraer du har da :) Her har jeg bare en som står inntil kjellerveggen. Der har den tint fram og sendt opp noen røde spirer. Morsomme planter :D

    Ha en fin søndag :D

    SvarSlett