torsdag 24. mai 2012

Travel våronn

Ipomea purpurea, Milky Way, har gleda meg med første blomst idag, og dei er verkeleg lekre.


 No har vi hatt temperatur godt over 20 i fleire dagar og då kan eg ikkje ligge på latsida med så mange sommarblomar, biletet over, og stauder, biletet under, å vatne. Heldigvis så kjem det noken som gjerne vil kjøpe planter til bed, potter og kar. Men det er litt som Sareptas krukke, det ser ikkje ut til å minke, for plantene veks og treng heile tida nye potter, så då ser det ut som det er like mykje kor mykje eg sel. Eg har ikkje så stor kundemasse heller, men det er kjekt å få avsetnad på det som vert til overs.


 I drivhuset viser tomatplantene heilt tydeleg at det er varme som skal til. 

Utsikt frå gangdøra i kveld.



 Aquilegia, Niedrige Mischung, ei låg akeleie med fleire fargar som eg sådde i fjor og som no byrjar å vise fram dei flotte fargane sine.

 Nydeleg vårflox,

 Raud Pulsatilla.

 Endeleg vart det blomstring å frukttrea, i år vert det vel frukt og. I 2011 kom blomstringa så tidleg at det var lite insekt, og etterpå kom det frost og vind så då rauk heile frukthausten.

 Snart er pionane i fullt flor.

Meconopsis quintuplinervia, klokkevalmuesøster, desse har eg fått av Reidunn på Røra. Det er dårleg farge på dette biletet, skal prøve å ta eit betre bilete seinare.

For 2 dagar sidan blomstra heggen, eg kunne ikkje sjå blomar på heggen nær meg, men lukta var ikkje til å ta feil av, og i dag stod heile treet pynta i sin finaste stas.

4 kommentarer:

  1. Virkelig nydelige bilder, særlig Milky way og akeleien. De er så vakre.

    SvarSlett
  2. Så mye du har!...har ikke fått med meg at du selger planter..men her må da være litt av hvert å finne:)
    Nydelige blomsterbilder også...ønsker deg en fin ,fin pinsehelg:))

    SvarSlett
  3. Hei i varmen! Okke små mengder du har å passe på, men det er jo som forventet, hehe :-) 'Niedrige Mischung' hadde nydelige farger! Kos deg med Pinse!

    SvarSlett
  4. Wow der skulle jeg likt å plukke og handle litt ja ,klokkevalmuesøster er nydelig da.
    Jeg håper du får avsetting på plantene dine ,de trenger en hånd som tåler å bli litt møkkete og en hage å stå å blomstre i.

    Vi får kose oss med det fine varme været, så ha en strålende kveld Berit , Maritklem.

    SvarSlett