lørdag 18. august 2012

BLOMAR UTAN REGN

Clematisen, NN, har kome igjennom rekkverket og er blomsterrik som aldri før.


På utsida er han like flott og her kjem han litt i bakgrunnen for den enorme kvite stokkrosa som no minst er 3 år.


I år er bedet utvida endå ein gong, her har eg planta 3 oppstamma roser, Look Good Feel Better. I utgangspuunktet eit håplaust namn på ei rose, men etter å ha funne ut kva som ligg bak namnet, så er det heilt OK. Diverre så fekk eg ikkje kontakt med Poulsenroser så fekk laga link til infosidene der. 

Men tidlegare så heitte denne rosa Charlottenborg, men Poulsen gav den namn etter ein kreftorganisasjon med same namn.


Dette er ein sein sort av Verbascum, som eg ikkje veit namnet på.


I det nye bedet, ved føtene av dei oppstamma rosene har eg planta fleire sortar tagetes og ringblomster og det er ein flott fargeklatt.


Pulsatilla, kvit, er i gang med si andre blomstring, rett nok ganske beskjeden og det er slett ikkje så uvanleg.


Månadsjordbæra er framleis søte og gode.


Flott gras, men eg er søren meg ikkje i stand til å finne ut kva slag sort det er.


Anisisopen, Agastashe foeniculum, Golden Jubilee, har overvintra og frøsådd seg rikeleg. Flott plante både i bed i bukett. Luktar godt gjer han og har medisinsk virkning og.


 Ny Dahlia som eg ikkje er sikker på namnet på.

Dette skal vere Onesta.


Dette er meksikanske villgeorginer. Eg sådde dei frå frø i 2011, og dei to første åra stod dei i potter, i år har dei fått plas i georginebedet, og dei er heilt uimotståelege. Enkle friske blomar med ei enorm mengd blomar. 


Dette trur eg er sommargeorgine, Dahlia variablis, Redskin, veldig flott fargekombinasjon på nett denne synest eg.



 Lite oversiktsbilete av ein del av bedet.

Dette er ei tue med ein eller annan sort timian som eg sådde i 2011, no står ho mellom steinar som eg har til å trakke på når eg skal ta meg fram i bedet. Ho er til stor glede for meg og alle insekta som stadig finn nektar.


I fjor stod desse, Alonsoa merdionalis, Rebel, innimellom rosene i rosebedet, i år planta eg alle ved kanten på tunet, der det står noken roser som dei passa bedre i fargen til. Ikkje veit eg kva som er grunnen, men rosene der er ikkje noke å skryte av, men vippeblomsten tek seg av showet.


ENGLETROMPETEN, som eg vann i lotteri på bloggen til Marit. No har han fått opptil fleire knoppar og eg er grueleg spent på kor lang tid det tek frå knoppane dannar seg til det er håp om at dei sprett ut. 


I dette bede har det vorte litt vel mykje samansurium. Eg hadde to sortar Nicotiana, og som Bille heilt korrekt har kommentert, sp vert dei store og ustyrlege. Så har eg planta to sortar Solsikke, Vanilla Ice og Hohe Sonnengold. I tilleg til det har eg tre sortar Flekksolhatt, Moreno, Praerie Sun og Marmelade.




Dei tre bileta over viser Flekksolhattane.


I år sådde eg resten av frøa eg hadde av Paulownia Tomentosa, det er vanskelege frøplanter å ha med å gjere. Dei tåler svært lite, så det var omlag 50% svinn - men no har eg ei flott samling med Keisartre. Dei skal få plass i det nye veksthuset til vinteren og så får eg vone at det går bra.

Tenke seg til at vi skulle få ein fin sommar. Eg er fullt klar over at mange denne sommaren har hatt ein våt og trasig sommar - men her på kysten i Sunnfjord har vi berre hatt passeleg med byer. Så hittil i år har det vorte lite fotografering av blomar med regndråpar på, det har i grunnen vore alt for lite fotografering eg har mest gått rundt og pusla og stelt og styra med alle staudepottene som eg har. Men no skal eg skjerpe meg, eg treng bilete for å hugse og å sjå betre kva som funkar.

5 kommentarer:

  1. Heia Else, så mye fine blomstrer du har i hagen din, bedet ditt var skikkelig flott !!!

    Så bra at du er fornøyd med sommerværet hos dæ, kan ikke helt si det samme, vi har egentlig ikke hatt så mye regn, men det har ikke vore noe særlig med varme, men den siste tia har vi hatt fint sommervær, ha en fin lørdags kveld og helg, hilsen Lisbeth <,O)

    SvarSlett
  2. Så fantastisk mye flott som blomstrer hos deg nå!
    Flotte småplanter av keisertre du har fått fram. Jeg har visst noen frø liggende, de må jeg huske å så til våren.
    Gratulerer med nytt drivhus! Kjenner til problemet med fukt i drivhus. Jeg har to vifteovner som sirkulerer luften hele året. Om vinteren holder jeg det frostfritt, men varmen slår seg ikke på før det går under fem grader.

    SvarSlett
  3. Så flott hage , bed og blomster Else .
    Og så moro at trompeten har fått knopper alt i år da ,
    det går ganske fort når knoppene er blitt så store.

    Flotte bilder har du tatt , det var en fin opplevelse og få bli med rundt hos deg.

    Klem fra Marit.

    SvarSlett
  4. Veldig kjekt å sjå frå hagen din. Det er mykje flott som blømer hos deg.
    Engletrompeten din var virkelig kraftig og flott.... Spennande å sjå når knuppane sprett ut:)
    Ha en fin Laurdags kveld.

    SvarSlett
  5. Takk for rundturen! Her var det mye flott! Jeg falt pladask for de meksikanske villgeorginene dine! Hadde de nå bare tålt en norsk vinter skulle jeg tryglet deg om en knoll eller noen frø, men jeg har allerede utvidet georginesamlingen så mye i år at jeg så smått gruer meg til innhøsting av knollene. Den Anisisopen har jeg også, herlig duft og ser ut til å være voksevillig. Sådde frø i vår, kjekt om mine også kan overvintre. Præriesolhat har jeg lenge tenkt å så, kanskje i 2013?

    SvarSlett