tirsdag 26. juni 2012

BLOMSTRING SISTE VEKA I JUNI

Dette bedet har eg tenkt skal vere blått, men så tronar det ei stor raud valmue midt i.

Dette bedet skulle i utgangspunktet vere eit reint rosebed, og eg brukte fleire å på å bestemme meg for å plante inn stauder og sommarblomar. Etter at mange roser fraus  forrige vinter, så vart det enkelt å bestemme seg for at no var det på tide å få inn noke anna. No er det dominert av røvebjøller. Langs vegkanten står det månadsjordbær og lavendel. 

Her er rosebedet til venstre og georginebedet til høgre. Det er overvintra og litt nye knollgeorginer som står her.

 Dette er eit bed med stauder og litt sommarblomar etterkvart. Enno er det heilt dominert av røvebjøller og kongslys. Den berre molda til høgre er siste nye del av blomstrebedet som skal fyllast med nysådde stauder og sommarblomar.
 Her er gangen opp til drivhuset og til høgre står det Nicotiana, tobakksplanter, Helianthus, solsikker og 3 sortar Rudbeckia, flekksolhatt. Og så er det tusenfryd.
 Dette er Papaver somniferum, Paeony Flemish Antique. Aldeles forførande vakker, og denne sorten skal vere gjenkjend på teikningar frå 1659. No er ikkje den første blomen som har opna seg så fylt som på bileta, så eg får vente å sjå om ho vert meir lik. 
 
Silene asterias er ei plante som godt kan brukast lupe på blomsten. 
 Dette er Schizanthus wisetonensis, Monarch, hagesplittblom eller fattigmannsorkide, dei har ein ufatteleg blomstrerikdom.
 
Polemonium pausiflorum, frøa til denne har kome frå UnaCita, og det er så vakre blomar at dei er vel verdt å legge seg på kne for å nyte.
 Lamarkia aurea, gullgras.
Vi har smakt på dei første månadsjordbæra, nam nam...

Geranium pratense striatum, Splish Splash, frø frå Magnar. Denne er eg stolt av.

Iris

Phlox drummondii, Sternensuber Mischung

 Mimulus lewisii
Pottene ved inngangsdøra, har fått sjølvsådde lobelia i fargeblanding, Amaranthus og raudblada kløver. Eg er veldig fornøgd med fargane, og etterkvart som Amaranthusen veks så vert det litt høgde og.

Dette er litt av blomane på Amfjell no. Vi har nesten ikkje hatt regn sidan 18. mai. Regnet har tørka før det har rokke bakken. For min eigen del så kan det ikkje falle meg inn å klage, eg har rikeleg tilgang på vatn og god tid til å vatne. Det kan verte mange år til neste gong det vert så lite regn. No er det tretti år sidan.
Håpar de alle kan nyte denne siste juniveka - det skal eg!
Og tusen takk for alle kommentarar til innlegget om røvebjøllene mine.

1 kommentar:

  1. Så mye flott som blomstrer hos deg! Jeg trodde jeg hadde en hvit valmue, men jammen var den oransje, og diger, hele 20 cm i diameter! Men der skulle det ikke være noe oransje, bare hvitt og blålilla nyanser. Sånn kan det gå! Phlox drummondi er nydelig. Har du sådd de selv? Jeg fikk ikke spiring på mine i fjor. Splish splash har jeg også sådd, og de blomstrer flott nå!
    Paeony Flemish var helt nydelig! Kanskje du gjemmer noen frø? :)
    Ønsker deg en flott uke!

    SvarSlett